Rhifyn Awst Y Cymro

Ma’ hi’n Steddfod ac fe fydd Y Cymro ar gael yno i’w brynu drwy’r wythnos eleni. Gwnewch yn siŵr o’ch copi! (Ar gael ar stondin y wasg dan ofal Siop Awen Teifi)

Mae digon o drafod a thraddodi am y Brifwyl ynddo hefyd – o edrych yn ôl at Eisteddfodau’r gorffennol i ddadlau dros wir ystyr y dathlu blynyddol i’r Gymru fodern.

Mae’r Gweinidog dros Addysg a’r Gymraeg Anna Brychan yn sgwennu’n benodol i’r Cymro yn y rhifyn a gofyn pwy sy’n cofio’r llwch pan fu’r Steddfod olaf tua Aberteifi mae Eryl Crump!

Hud Sir Benfro sydd gan Dafydd Iwan mewn golwg wrth drafod yr Ŵyl wrth gofio am un gŵr sy’n ymgorffori ei hysbryd. Darllenwch mwy yn ei golofn.

A pham bod cymaint o bobl sy’n medru’r Gymraeg ddim yn siarad yr iaith â’u plant? Dyna bwynt trafod Heledd Gwyndaf yn ei cholofn fis Awst. Meddai: “Dydyn ni ddim yn clywed am strategaethau a chynlluniau gweithredu i sicrhau fod rhieni yn dewis y Gymraeg fel iaith yr aelwyd, boed un neu ddau riant yn medru’r iaith adre.  Dylem fod yn gweiddi’n groch i bob cyfeiriad am hyn. Ond does dim smic.”

Mae ein Llywodraeth newydd hefyd wedi datgelu’r ‘cam cyntaf’ tuag at bwerau darlledu i Gymru. Hwrê felly – ond nid pawb sy’n hapus. Gwastraff arian ac amser meddai Reform UK a’r Ceidwadwyr. Darllenwch y diweddaraf yn y ddadl hir a throellog.

A phwy a aned yng Nghymru ond fu farw yn ‘Wales’ ? Darllenwch golofn Geraint Davies y mis yma i ddod o hyd i’r ateb.

Mae rhifyn Awst ar gael rŵan o siopau ar draws Cymru. I dderbyn copi drwy’r post neu gopi digidol ar e-bost bob mis trefnwch danysgrifiad blwyddyn i’r Cymro trwy gysylltu â ni: ta*********@****ro.cymru