Côr y Penrhyn yn helpu i gloi taith ddiweddaraf band Damon Albarn, The Good, the Bad & the Queen yn Llundain

Diwylliant / Hamdden Newyddion

Cafwyd gig hynod yn y London Palladium neithiwr (nos Wener) ble gwelwyd Côr y Penrhyn o Ddyffryn Ogwen yn helpu i gloi taith ddiweddaraf y band The Good, the Bad & the Queen.

Perfformiodd y côr ar bedair cân, yn cynnwys eu prif gân adnabyddus ‘Lady Boston’,  gan hefyd berfformio y gân boblogaidd Moliannwn gan Bob Roberts Tai’r Felin (trefniant Owain Arwel o’r alaw wreiddiol gan Benjamin Thomas neu Ben Jeri) yn ystod yr egwyl.

Mae’r côr  wedi perfformio gyda’r band, a ddechreuwyd gan brif ganwr Blur ynghyd a cherddorion enwog eraill megis Paul Simonon o’r Clash, o’r blaen, gyda pherfformiad arbennig yn Blackpool yn 2018 hefyd  yn ennyn llawer o ganmoliaeth. Fe chwaraeoedd The Good, the Bad & the Queen yng Nghaerdydd wythnos ynghynt yn ogystal.

Roedd yr actor Rhys Ifans hefyd yn cyflwyno ac yn arwain y noson.

(Lluniau: Laura Nunez)

Nid yw'r farn a amlygir yn erthyglau unigol y cyhoeddiad hwn o angenrheidrwydd yn cynrychioli barn y cyhoeddwyr

Tagged
Tanysgrifio
Gadewch wybod
guest

Mae'r safbwyntiau a fynegwyd yma yn eiddo i'n defnyddwyr ac nid o reidrwydd yn adlewyrchu barn Y Cymro neu unrhyw gwmni yn gysylltiedig a Y Cymro.

1 Comment
hynaf
mwyaf newydd mwyaf o bleidleisiau
Inline Feedbacks
View all comments
Arwel

Diolch am yr erthygl. Dim ond nodi mai Benjamin Thomas neu Ben jeri ydi awdur y gan Moliannwn. Diolch