#Atgyfodi Perfformiad aml-gyfrwng ac unigryw John Rea

Mae yna alw i un o uchafbwyntiau dathliadau Amgueddfa Werin Sain Ffagan yn 70 ym mis Hydref – sef perfformiad o’r gwaith Atgyfodi gan John Rea – i deithio dros Gymru at sylw cynulleidfa ehangach.

Fel yr esboniwyd yn arbennig i’r Cymro yn ein rhifyn mis Hydref, yn gyntaf fe gafodd cynulleidfa Atgyfodi y cyfle i gerdded trwy gyfres o osodiadau sain yn adeiladau Sain Ffagan, gan gynnwys athro gwrth-Gymraeg yn yr ysgol a dawnsio clocsiau yn Ffermdy Kennixton.

Bu tipyn o drafod ar y cyfryngau cymdeithasol, a chlod arbennig gan y bardd Judith Musker Turner:

“Noson wefreiddiol a theimladwy yn cydblethu’r gorffennol a’r presennol gyda Cherddorfa Genedlaethol Gymreig @BBCNOW – llongyfarchiadau John Meirion Rea am #Atgyfodi ”

Noson wefreiddiol a theimladwy yn cydblethu'r gorffennol a'r presennol yn @StFagans_Museum heno gyda @BBCNOW – llongyfarchiadau @JohnMeirionRea #Atgyfodi pic.twitter.com/RhjNISwSWx

— Judith Musker Turner (@MuskerTurner) October 20, 2018

Ceir y galw i’r darn deithio Cymru gan William Aled Jones, gan fod Atgyfodi o bwysigrwydd hanesyddol mewn mwy nag un ystyr;

#atgyfodi hudolus ac gwefreiddiol, gwaith @JohnMeirionRea heno gyda @BBCNOW @StFagans_Museum Stunning and enchanting work by John Rea. This MUST tour Wales!!!!! https://t.co/C8K56NnNdL

— 🤔 William Aled Jones (@WilliamAled) October 19, 2018

Fe fydd yna raglen arbennig, Sain Sain Ffagan ar BBC Radio Cymru ar Ddydd Iau 29ain Tachwedd am 12:30pm gyda hanes y prosiect, a’r perfformiad i ddilyn gyda’r nos yn ystod rhaglen un o Gyfeillion y Cymro, Huw Stephens.